“Мэргэжилтэй иргэн” танилцах аялал зохион байгууллаа.

Баянзүрх дүүрэг үүсэн байгуулагдсаны 50 жилийн ойн ажлын хүрээнд Иргэдийн Төлөөлөгчдийн Хурлын Ажлын албаны Иргэний оролцооны хэлтсээс "Мэргэжилтэй иргэн" танилцах  аялалыг Их Засаг Олон Улсын Их Сургуультай хамтран   зохион байгууллаа.

Ерөнхий боловсролын 48-р сургууль, Шавь цогцолбор сургуулийн 12  дугаар ангийн сурагчдад мэргэжлээ хэрхэн зөв сонгох, мэргэжлийн чиг баримжаа олгох талаар

1. Их Засаг цогцолборын захирал Ц.Дамчаа
2. ИЗОУИС- Маркетинг эрхэлсэн захирал н.Алтанхундага
3. ИЗОУИС- Дүрслэх урлаг дизайн технологийн сургуулийн багш Б.Давааням
4. ИЗОУИС-Хууль зүйн сургуулийн багш Б.Батцэнгэл
5. ИЗОУИС-Инженер технологийн сургуулийн багш Э.Хуланбаатар
6. ИЗОУИС-Театр урлагийн сургуулийн захирал Н.Оюунсүрэн
7. ИЗОУИС-Сургалт инноваци эрхэлсэн захирал Р.Булгамаа
8. ИЗОУИС-Хууль зүйн сургуулийн багш Б.Баяраа нар өөр өөрийн сургуулиудын онцлог мэргэжлийн талаар мэдээлэл хийлээ.

Их Засаг Олон Улсын Их Сургуулиас танилцах аялалд оролцсон 120 гаруй сурагчдын дунд азын сугалаа явуулан “Шавь” цогцолбор сургуулийн сурагч А.Одончимэг, н.Цолмон, 48 дугаар сургуулийн сурагч  н.Хосбаяр, н.Сарангэрэл нар шалгарч Их Засаг Олон Улсын Их Сургуульд хүссэн мэргэжлээрээ  элсэн суралцах эрхийн бичиг, урилгыг хүлээн авлаа.

Мөн Дүрслэх урлаг дизайн технологийн сургуулийн оюутнууд загварын үзүүлбэр, Театр урлагийн сургуулийн оюутнууд жүжигчилсэн тоглолт, Хууль зүйн сургуулийн оюутнууд урлагийн тоглолт үзүүлж сонирхууллаа. Ерөнхий боловсролын сургуулийн сурагчдад мэргэжлээ зөв сонгож, нарийн мэргэжил эзэмшихийн ач холбогдолын талаар бодит мэдээлэл өгсөн нь  ирээдүйд мэргэжлээ сонгоход ихээхэн тус дөхөм болсон ажил боллоо. Цаашид энэ аялал Хууль Сахиулахын Их Сургууль, Батлан Хамгаалахын Их Сургуулиудад үргэлжилэх юм байна.