Баянзүрх дүүргийн салбар Улаан Загалмайн Хороо нь 2000 оны 02 сарын 17 нд анхны үүсгэн байгуулагчийн хурлаа зохион байгуулж, албан ёсны дунд шатны хороо болон зохион байгуулагдсан.

Эрхэм зорилго: Монголын Улаан Загалмай Нийгэмлэгийн зорилго нь шударга ёсны зарчимд үндэслэн хүнийг яс үндэс, иргэний харъяалал, угсаа, хэл, арьсны өнгө, нас, хүйс, нийгмийн гарал, хөрөнгө чинээ, эрхэлсэн ажил, шашин шүтлэг, улс төрийн үзэл бодол, боловсролоос нь үл хамааран хүний аюулгүй байдал, амь нас, эрүүл мэндийг хамгаалах, хүмүүнлэг ёсыг хангахад дэмжлэг туслалцаа үзүүлэх, хүмүүс хоорондын ойлголцол, нөхөрлөл, хамтын ажиллагааг дэмжих, энх тайвныг бэхжүүлэх үйлсэд хувь нэмэр оруулахад оршино.

 Уриа: Хүмүүнлэгийн үйлсэд хамтдаа

Алсын хараа: Хүмүүнлэгийн үнэ цэнийг дээдэлсэн хүнлэг энэрэнгүй нийгмийг хөгжүүлэхэд хувь нэмрээ оруулна.

Монголын улаан загалмай нийгэмлэгийн Эрх зүйн байдлын тухай хуулинд:

Монголын улаан загалмай нийгэмлэгийн эрх зүйн байдлыг тодорхойлж, бүрэн эрх, зохион байгуулалт, үйл ажиллагааны зорилго, чиг үүрэг, төрийн болон нутгийн удирдлагын байгууллагаас Монголын улаан загалмай нийгэмлэгт дэмжлэг үзүүлэх, бие даасан байдлыг хангах, улаан загалмайн нэр, бэлгэ тэмдэг, таних тэмдгийг хэрэглэх, хамгаалахтай холбогдсон харилцааг зохицуулахад оршино.

Монголын улаан загалмайн нийгэмлэгийн үндсэн чиг үүрэг

• Нийгмийн эрүүл мэндийг дэмжих 2.1.1
• Гамшиг ослоос урьдчилан сэргийлэх, бэлэн байдлыг хангах, нөхөн сэргээх 2.1.2
• Гамшигт байдлын үед хүмүүнлэгийн тусламж, Нийгэм сэтгэл зүйн дэмжлэг үзүүлэх 2.1.3
• Олон нийтийн оролцоонд түшиглэсэн халамжийн үйлчилгээг дэмжих 2.1.4
• Хүүхэд залуучуудын хүмүүнлэгийн хөдөлгөөнийг дэмжих 2.1.5
• Хүмүүнлэгийн эрх зүйг сурталчлах, хэрэгжилтийг хангахад дэмжлэг үзүүлэх 2.1.6