“SCHOOL POLICE” дэвжээ тэмцээн зохион байгуулагдаа.

Баянзүрх дүүргийн Иргэдийн Төлөөлөгчдийн Хурал, дүүргийн Гэмт хэргээс урьдчилсан сэргийлэх ажлыг зохицуулах салбар зөвлөл, дүүргийн Боловсролын хэлтсээс хамтарч зохион байгуулсан “SCHOOL POLICE” дэвжээ тэмцээн амжилттай зохион байгуулагдлаа. Дэвжээ тэмцээнд дүүргийн төрийн өмчийн ерөнхий боловсролын 17 сургуулиас нэг багт 4  хүүхэд, 1 багш,  3 эцэг, эхийн төлөөлөл бүхий 8 гишүүнтэйгээр сургуулийнхаа хөгжөөн дэмжигчдийн хамт оролцов.

      “SCHOOL POLICE” дэвжээ тэмцээний нээлтэнд Баянзүрх дүүргийн Иргэдийн Төлөөлөгчдийн Хурлын дарга бөгөөд Гэмт хэргээс урьдчилан сэргийлэх ажлыг зохицуулах салбар зөвлөлийн дарга Ц.Батхүү, Иргэдийн Төлөөлөгчдийн Хурлын Тэргүүлэгчдийн нарийн бичгийн дарга бөгөөд Ажлын албаны дарга Ч.Мэндсайхан, Боловсролын хэлтсийн дарга Х.Батбаяр нар хүрэлцэн ирж оролцлоо.

       “Хүүхдийн үнэт зүйл хүүхэд өөрөө, эцэг эхийн үнэт зүйл хүүхэд, сургуулийн үнэт зүйл хүүхэд” юм. Ийм учраас тэдний эрхийг хамгаалах, гэмт халдлагаас урьдчилан сэргийлэх нь “School police” хөтөлбөрийн үндсэн зорилго юм гэж Хурлын дарга Ц.Батхүү нийт тэмцээнд оролцогч нарт хандаж хэллээ.

       “SCHOOL POLICE” дэвжээ тэмцээний шүүгчдийн ахлагчаар Иргэдийн Төлөөлөгчдийн Хурлын Ажлын албаны Хуулийн хэлтсийн дарга Г.Энхтайван, шүүгч Иргэдийн Төлөөлөгчдийн Хурлын Төлөөлөгч, хурлын даргын зөвлөх Д.Нэргүй, Боловсролын хэлтсийн мэргэжилтэн Б.Амгалан, Нийгмийн хөгжлийн хэлтсийн мэргэжилтэн Ц.Долгормаа,  Баянзүрх дүүргийн Цагдаагийн нэгдүгээр хэлтсийн мэргэжилтэн, цагдаагийн ахмад Д.Отгонбаяр, Хурлын дэргэдэх иргэний танхимын ажилтан Н.Амаржаргал, Н.Оюунжаргал, Д.Насанжаргал нар ажиллалаа.

“School police” дэвжээ тэмцээн нь:

• Багуудын мэндчилгээ
• Монгол Улсын хууль, эрх зүйн актын хүрээнд асуулт хариулт
• Багуудын гэрийн даалгавар буюу жүжигчилсэн тоглолт
• School police төслийн хүрээнд хийсэн ажлыг суртчилсан самбар, гар зургийн бүтээлийг бэлтгэж ирэх гэсэн удирдамжийн хүрээнд явагдсан юм.

Тэмцээний үйл ажиллагаа өндөрлөж багуудын дүнг нэгтгэхэд:

I байранд Баянзүрх дүүргийн ерөнхий боловсролын 88 дугаар сургууль 86 оноогоор

II байранд Баянзүрх дүүргийн ерөнхий боловсролын Шавь цогцолбор сургууль 81 оноогоор

III байранд Баянзүрх дүүргийн ерөнхий боловсролын 44 дүгээр сургууль 79 оноогоор тус тус байр эзлэж өргөмжөл мөнгөн шагналаар шагнууллаа. Тэмцээнд оролцсон нийт сурагчиддаа сурлага хөдөлмөрийн өндөр амжилт хүсье.