Баянзүрх дүүргийн шилдэг 30 байгууллагын тугийг Скадрилын хөшөөний хажууд заллаа. Дүүргийн 50 жилийн ойн арга хэмжээг тохиолдуулан шилдэг татвар төлөгч байгууллагуудаа алдаршуулах зорилгоор өвлийн эхэн сарын шинийн 15-ны билэгт энэ өдрийг сонгож туг мандуулах ёслолыг Офицеруудын ордоны өмнөх хөшөөт цогцолборт хийсэн аж.
Ёслолын арга хэмжээнд Баянзүрх дүүргийн ИТХ-ын дарга Ц.Батхүү, Засаг дарга Д.Пүрэвдаваа, орлогч дарга С.Гантулга, Т.Батцогт, Т.Баясах, Тамгын газрын дарга Б.Амартүвшин, ИТХ-ын Тэргүүлэгчдийн нарийн бичгийн дарга бөгөөд Ажлын албаны дарга Ч.Мэндсайхан, ЗХЖШ-ын дарга, хошууч генерал Д.Даваа, БХИС-ийн захирал, хошууч генерал Я.Чойжамц зэрэг албаны бусад хүмүүс, Иргэдийн хурал, Тамгын газрын нийт албан хаагчид, шилдаг аж ахуйн нэгжийн төлөөллүүд, иргэд оролцлоо.
Уг ёслол нь анх удаагаа дүүргийнхээ хөгжил дэвшилд үнэтэй хувь нэмрээ оруулж, нийгмийн хариуцлагаа нэр төртэйгээр биелүүлж байгаа манлайлагч аж ахуйн нэгж байгууллагууддаа хүндэтгэл үзүүлж байгаагаараа онцлог юм байна.
“Баянзүрх дүүрэгт 15.486 аж ахуйн нэгж байгууллага үйл ажиллагаа явуулдагаас тогтсон хугацаанд татвараа төлдөг, өөрсдийн салбартаа ажил үйлсээрээ манлайлан улс, нийслэлийн хэмжээний тэргүүнийн 30 байгууллагыг шалгаруулан жил бүр уламжлал болгон алдаршуулж, төр хувийн хэвшлийн түншлэлийг өргөжүүлэн хамтдаа хөгжих бодлогыг зорилгоо болгон ажиллаж байхаар шийдвэрлэжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна