“Улаанбаатар-2015” спортын тэмцээн зохион байгуулагдлаа.

Нийслэл, дүүргүүдийн Иргэдийн Төлөөлөгчдийн Хурлын Ажлын албаны Иргэний танхимын ажилтнуудын ажлын уялдаа холбоог сайжруулах, цаашдын хамтын ажиллагааг нэмэгдүүлэх, чөлөөт цагийг зөв боловсон өнгөрүүлэх зорилготой "Улаанбаатар-2015" спортын тэмцээнийг Баянзүрх дүүргийн Иргэдийн Төлөөлөгчдийн Хурлын Ажлын албаны Иргэний оролцооны хэлтсээс зохион байгууллаа.

   “Улаанбаатар-2015” спортын тэмцээнд Баянзүрх, Хан уул, Сонгино хайрхан, Чингэлтэй, Сүхбаатар дүүргийн Иргэдийн Төлөөлөгчдийн Хурлын Ажлын албаны Иргэний танхимын ажилтнууд оролцлоо.

      Тэмцээний нээлтийн үйл ажиллагаанд Баянзүрх дүүргийн ИТХ-ын дарга Ц.Батхүү, ИТХ-ын Тэргүүлэгчдийн нарийн бичгийн дарга бөгөөд Ажлын албаны дарга Ч.Мэндсайхан, Баянзүрх дүүргийн ИТХ-ын Иргэний оролцооны хэлтсийн дарга Ч.Мөнхсайхан, Хан уул дүүргийн ИТХ-ын Иргэний оролцоо зохион байгуулалтын хэлтсийн дарга Б.Хандсүрэн, Чингэлтэй дүүргийн ИТХ-ын Иргэний оролцооны хэлтсийн дарга Т.Уламбаяр, Сүхбаатар дүүргийн ИТХ-ын Иргэний оролцооны хэлтсийн дарга М.Эрдэнэчимэг нар оролцож нийт баг тамирчиддаа баяр хүргэж амжилт хүслээ.

     Тэмцээнд оролцогч тамирчиддаа зориулж БХИС-ийн “Тэмүүжин өрлөг” бүрэн дунд сургуулийн сонсогчид ая дууны мэндчилгээ дэвшүүллээ.

“Улаанбаатар-2015” спортын тэмцээнийг гарбөмбөг, сагсанбөмбөг, дартс гэсэн 3 төрлөөр явуулж шилдгүүдээ шалгаруулсан юм.  

Сагсан бөмбөгийн төрөлд:

I байранд Баянзүрх дүүрэг,

II байранд Сонгинохайрхан дүүрэг,

III байранд Хан уул дүүрэг,

Дартсын төрөлд:

I байранд Сүхбаатар дүүрэг,

II байранд Баянзүрх дүүрэг,

III байранд Хан уул дүүрэг. 

Гарбөмбөгийн төрөлд:

I байранд Баянзүрх дүүрэг,

II байранд Сонгинохайрхан дүүрэг, 

III байранд Сүхбаатар дүүрэг тус тус шалгарлаа.

Багийн дүнгээр Баянзүрх дүүргийн баг тамирчид шилдгээр  шалгарч шилжин явах Цомын эзнээр тодорлоо.