Баянзүрх дүүргийн Иргэдийн төлөөлөгчдийн хурлын зүгээс тус дүүргийн ЗДТГ, Улаан Загалмайн Хороо, Цус сэлбэлт Судлалын Үндэсний төвтэй хамтран сайн дурын авлагагүй цусны донорын өдөрлөгийг 3 дах жилдээ зохион байгууллаа. Сайн дурын цус бэлэглэх “Донорын өдөрлөг”-т дүүргийн ИТХ ын төлөөлөгчид, ажлын албаны ажилтан албан хаагчид, Засаг даргын Тамгын газрын албан хаагчид болон 28 хороод хамрагдаж хүний амь аврах хүмүүнлэгийн энэрэнгүй үйлст өөрсдийн хувь нэмрийг оруулж байна.
Энэхүү өдөрлөг нь сайн дурын авлагагүй донорын эгнээг өргөжүүлэх, цус, цусан бүтээгдэхүүний хангамжийг сайжруулах, цусны донорын үйлсийг сурталчлахад олон нийтийн оролцоог нэмэгдүүлэх, цусаа хандивлахын ач холбогдлыг таниулах зорилготой.
Цусаа бусдад хандивлах нь эрүүл мэндэд муугаар нөлөөлнө гэх ойлголт олон нийтийн дунд байдаг ч эсрэгээрээ тогтмол цусаа өгдөг донор хүний бие эрүүл чийрэг, зүрхний шигдээсээр өвчлөх магадлал 30 хувь бага гэж шинжлэх ухаан нотолжээ. Нэг удаа 350-400 грамм цус өгөхөд 24 цагийн дотор нөхөгдөж, 21 хоногийн дотор эсийн төвшинд бүрэн төлждөг байна. Хүний биед агуулагдах таван литр цуснаас нэг удаа 350-400 грамм цус авах нь өчүүхэн бага хэмжээ юм. Цусаа өгснөөс хойш эрэгтэйчүүд хоёр, эмэгтэйчүүд гурван сарын дараа дахин цусаа хандивлахыг мэргэжлийн хүмүүс зөвлөж байна. Түүнчлэн тогтмол цусаа өгдөг донорууд хэзээ ч цус багадалтаар өвчилдөггүй, харин ч цус алдалтыг тэсвэрлэх чадвартай болдог байна.
Дашрамд дурьдахад Засаг даргын Тамгын газрын хамт олон 2016 оны “шилдэг донор”-оор шалгарсан билээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна