Оюутан залуучуудын эрүүл мэндийн эрсдлийг бууруулах, эрсдэлд зан үйлийг өөрчлөхөд чиглэсэн мэдээлэл сургалт, сурталчилгаа, ухуулга нөлөөллийн үйл ажиллагааг эрчимжүүлэх, тусламж үйлчилгээ хайх, зөв зан үйлийг төлөвшүүлэх, тусламж, үйлчилгээний хүртээмжийг нэмэгдүүлэх, оюутан залуучуудтай ажилладаг байгууллагуудын хамтын ажиллагааг сайжруулах зорилгоор Баянзүрх дүүргийн Иргэдийн төлөөлөгчдийн хурал, дүүргийн Эрүүл мэндийн төв, Өсвөр үе, залууст ээлтэй клиниктэй хамтран Оюутан залуучуудын эрүүл мэндийг дэмжих сарын аян зохион байгуулахаар 2019 оны 11 сарын 06 ны өдөр Отгонтэнгэр их сургууль дээр нээлтээ хийлээ.
Нээлтэнд дүүргийн иргэдийн Төлөөлөгчдийн хурлын дарга Ш.Ганчимэг, төлөөлөгч Э.Хатанбаатар, Эрүүл мэндийн төвийн дарга Ж.Энхзул болон бусад албаны хүмүүс оролцон оюутнуудыг аянд идэвхитэй оролцохыг уриаллаа.
Тус аяны хүрээнд Баянзүрх дүүргийн их дээд сургуулиудын нийт 1000 гаруй оюутнуудыг хамруулан эрүүл мэндийн урьдчилан сэргийлэх үзлэг, вакцинжуулалт, шинжилгээнд хамруулах, эрүүл мэндийн боловсрол олгох сургалтыг зохион байгуулах бөгөөд дүүргийн Нийгмийн даатгалын хэлтсийн зүгээс хамтран оролцож оюутнуудад сайн дурын нийгмийн даатгалын талаар мэдээлэл өгөн сурталчилж ажиллах юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна