Иргэдийн Төлөөлөгчдийн Хурлын Ажлын албаны Иргэний оролцооны хэлтсээс албан хаагчдаа чадавхижуулах сургалтыг хоёр долоо хоног тутамд зохион байгуулж байна. Тус сургалт нь Нутгийн Өөрөө Удирдах Байгууллагын ажилтнуудын ажлын ур чадварыг нэмэгдүүлэх, мэдлэг олгох, мэргэшүүлэх зорилготой юм.
Сургалтанд Иргэдийн Төлөөлөгчдийн Хурлын Иргэний оролцооны хэлтсийн мэргэжилтнүүд, Хурлын дэргэдэх Иргэний танхимын мэргэжилтнүүд, 28 хорооны Иргэний танхимын ажилтнууд зэрэг 30 гаруй албан хаагч хамрагдсан байна.
Иргэдийн Нийтийн Хурлын зохион байгуулалт, дэг, сонгуулийн тухай хуулийн зарим нэг зохицуулалт, Иргэдийн оролцоог нэмэгдүүлэх арга хэлбэр гадны орны туршлага, хурал хөтлөн явуулах урлаг, Хувь хүнийг хөгжүүлэх илтгэх урлаг, фотошоп программ дээр ажиллах, movie maker программаар дүрс эвлүүлэх, Ажлын байрны стрессээ хэрхэн даван туулах вэ зэрэг сэдвүүдээр хичээл явагдлаа.
Энэхүү сургалтыг албан хаагчид өөрсдөө бэлтгэн явуулж байгаагаараа онцлог бөгөөд, сургалтын үр дүнд албан хаагчид сэтгэл хангалуун байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна